3 Ez Zazaya,
4 Za
5 Zun Dadi
1-ZAZÊ
Kird, zazê, dımli vun ma ra
Ma zun xu muısê dadi ra
Qal bık, meşermay zun xu ra
En vate, vatê pilunu
Des milyon zazê êst dunyad
Zaf zunayê vecyê min mad
Zazê ‘heqqıd tim kên ‘inad
Ce’do ‘heq ce’dê holunu
Zazaki qal kê padişu
Ma zun; en zun çend zaf weşu
Pirik kalik xu dıma şu
Qum Zazun gellêk verinu
Zazê weş qal kên Dersim’ıd
Dıarbek, Xarpıet, Çolig, Mutki’d
Bi, bigêr en memleketıd
En ‘erd hira ‘erd zazunu
En Feqir’iz zaf çi nızun
Qij ma nızun qal bik, en zun
Kitab bun, tarixiz bızun
Kitab, kari zunayunu
2-ZUN ZAZAKİ
Zun zazaki re’het yo zun
Ez ha raşt vuna, tı bızun
Merdım nezun, tim ben wezun
Lac mı! Bi zazaki bımus
Hol fıkır bık, en nuştê mı
Deftêr xud bınus vatê mı
Kitabiz bun, bi kıştê mı
Bıra! Bi, zazaki bımus
Zazê Xarpyêt zazê Çolig
Çikê ma çinyu nimitik
Dıêr bık zazaki, guevend bık
Kêna! Bi zazaki bımuıs
Zun ma weş, sê şekêr şirin
Enê nızun en qic pêyin
Pirik-kalik ma, zaf vêrin
Wayê! Bi zazaki bımuıs
Ez zuna; Humê ma vıraşt
Her çi do ma, çınag ma waşt.
‘Hemd qê Alley, ce’dê ma raşt
Xalo! Bi zazaki bımuıs
En Feqir vun, tuir yo xeber
Mewaz çarrê çoyir keder
Wêxt xu hol vıarn, mekır heder
Qic mı! Bi, zazaki bımuıs
Gelê bırun! Ez ha vuna
Ez zazaya, ez zazaya
Ez numê xu zaf hol zuna
Ez zazaya, ez zazaya
De’wê mı ercun nıa vaya
Ez bıa hişar,, ez bıa aya
Ez qê şar xu vêşayêya
Ez zazaya, ez zazaya
Ez Tırkun ra xu nıkena
Kuırmuncun raz ez ‘hes kena
‘Erêb ra duir nıvındena
Ez zazaya, ez zazaya
Şeyx Se’id’a ez Pirun’ıd
Seyyid Rıza’ya Dersim’ıd
‘Hes kerdiş yın ho zerrê mıd
Ez zazaya, ez zazaya
Ez zun dadi xu wazena
Tarix babi xud wırzena
Ez ‘heq-‘huquq xu hol zuna
Ez zazaya, ez zazaya
Ez kuayış-kıştış nıwazen
Ez tim pıe umyayış wazen
Qê holê ha yo gum erzen
Ez zazaya, ez zazaya
Mad yo ‘esıl ‘esalet est
Miraz mad İslamiyet est
Merdımun mad cesaret est
Ez zazaya, ez zazaya
Bıra! Vatê Humê bıkır
Pê zun xu Humê bık zıkır
‘Esıl xu vac, inkar mekır
Ez zazaya, ez zazaya
Ez ‘esıl xu inkar nıken
Hemiz vatê pilun xu ken
Quwwêt xuı ez Humê ra gen
Ez zazaya, ez zazaya
En Feqir ho zazaki vun
Hem pê en zun kitabun bun
Mı riz têna mend en yo zun
Ez zazaya, ez zazaya
4-ZA
Dadir lir bı, ma vun za
Şar zazunraz tı vun: Zaza
Xıwera weş hercad berza
Tı rar raşt ra tim şu zaza!
Çıra ma ra vacyo zaza
Tay vun: Sasani bıu zaza
Tayiz vun: “za-za” bıu zaza
Zazana’w welat ma, zaza!
Lac xal ra ma vun: Xalza
Lac ‘em ra vacyen: ‘emza
Qic apraz vac: Datza, deza
Merdımatid holıb, zaza!
Tı lac wayê mınê warza
Tuit bırêraz vac: Bırarza
Qêlb çoy meşkın; bıger rıza
Huma tu ra razib, zaza!
Lac miri ra ma vun: Mirza
Yo vılraz ma vun: Kulbıza
Qala tırş duestir miraza
Tı holun xur duestık zaza!
Numê waştiyê mı naza
Ya hem rında hem fekbaza
Ez ‘eşq yê ra berengaza
Bi, dıerun pê ‘eşq vac, zaza!
Sêr kuêyund ez yo dıerbaza
Fıêkiyê darê mı guaza
Guazyerê yê dılengeza
Bi, holıb, bena hol zaza!
Siwun’ıd dewa pil Gaz’a
Çolig’id dewa rınd Az’a
Saya weş, şirına, mıza
Dêw ma zaf rınd bızun, zaza!
Rucêk tı bi berz şi feza;
Wa tud bıb yo mula'haza
Qat'iyyen mevac: Ez eza
Humê xu vira mek zaza!
‘Emir ma qêdya yo le’hza
Extyarê mar sê payiza
Tı qê xêyr zaf bıkır teqza
Axret xu vira mek zaza!
Ez zaf nıweşa, maraza
Gıjık sıpiw, hêrdiş bueza
Sêr mı ra viyêrt, ez kuza
Extyarur ‘hurmet bık, zaza!
Xayın nıvun: Ez yo xueza
Vun: Ez hol yo umbaza
Wı pênid vinen yo ceza
Ra mek, hişarıb, zaza!
Sayê payiz ra vac: Payza
Aletê cıtyêr engaza
Herr ra vırazyena dıeza
Ma pênid şin bin herr, zaza!
Numê yo ‘eşir Tawz’a
Yo dewê maz Tawslê Riz’a
Numê ena aw: Lıê Dız’a
Tı sê aw ‘ezizib zaza
Yo bırê ma vun: Ez Laz’a
Çerkez’iz vun: Ez Çerkez’a
Ay binraz ma vun: Abaza
Holund, bırati bık Zaza!
En Feqir pênid eşt imza
Ne’heq têrs ver tersa, lerza
Cahil sê dıwara bıza
Cahil ra zaf dur şu, zaza!
5-ZUN DAYKUN
Zun daykun mar sê numêyo
Her zun yo ayet Humê’yo
Şar mar en zun sê kumêyo
Zun daykun qey qalkerdişyo
Qal bık, wa zun ma zerguınıb
Bınus, wa rıstim ma gunib
Diêr bık, wa welat renginıb
Zun daykun, zun 'heskerdişyo
Ma pê zun xu bermên nalên
Ma pê zun xu keyf kên wiyên
Ma pê zun xu rıyên-cuiyên
Zun daykun, qey wiyayişyo
Pê zun xu ma bên zunaye
Pê zun xu ma bên vinaye
Pê zun xu ma bên sinaye
Zun daykun qey perskerdişyo
Zazaki bı ğerib biwar
Zun xu ra ‘hes bıkır hewar
Qal bıkır wa zun tu şıer cuar
Zun daykun qey vêndayişyo
Bılbıl pê zun xu vêndena
Gerguş pê zun xu bermena
Guelık pê zun xu liyena
Zun daykun qey cuyayişyo
Zun daykun mar şênayêya
Zun daykun mar vinayêya
Zun daykun mar şirınêya
Zun daykun qey keyf kerdişyo
Bıerên ma bınus yo destun
Xebat bıkır pê wird destun
Şarıstun wa bıb gulistun
Zun daykun qey ‘heskerdişyo
En vatê Feqir xu mezgık
Gueştari bık gueş xur warık
Bıduis zun xu ra sê dırrık
Zun daykun qey zunayişyo
6. VATE ZUNU
Zun watewu, vate zunu
Vatê zun hiş ra vecyenu
Hiş bırıcyu; viriz şınu
Vir nımun; en şar rıcyenu
Zun vunu; qelem nusena
Sêr rıpêlid cemednena
Vatun min mêzgid 'helnena
Hiş hişarunğ xemelnena
Zun şar ma, muêr şarıstunyo
Vêng bılbılun gulistunyo
Destunê en bındestunyo
Şênatiyê dılıstunyo
Zun, ja'r zêrri erzen teber
Pê qelem, zıer bena zeber
Beşnaw mı ra ena xeber
Hiş, pê zun tu diyenu ver
Zun hirab, welat ben hira
Zun xu qal bık, mek xu vira
Tı nışkên vac, ena zura
Zazaki vun: Ez biwara
Feqir vunu: Hişarıb hin
Zazaki yo zunu verin
En vatê mı xu sare fin
Zun tu vinıb tiz beni vin
Hiç yorum yok:
Yorum Gönder