2 Ustaz Bediuzzemun
3 İmum Xetib
4 Erbaqun
5 Muhammed Mursi
6 Başbağlar
7 İmom ‘Huseyn
8 Zeyneb
9 Seyda Ehmedi Xasi
1- ‘HELEPÇE
Dunya nıdi ina bela
‘Helepşe mar bi Kerbela
Ma ramê, kuêyund bi vıla
‘Helepçe mar bi Kerbela
Saddam ‘Helepçed bı Yezid
Ma gınê ‘erdır vêr bêrid
Dadyun gun da pêr wevêrid
‘Helepçe mar bi Kerbela
En zulım çoy nışınawıt
Kimyasal zerrê ma cawıt
Zalim mar cellad şırawıt
‘Helepçe mar bi Kerbela
Yı, sê Hitler mar zulım kerd
Sê Stalin mad ‘hukım kerd
La en mazlumun yir se kerd?
‘Helepçe mary bi Kerbela
Ez ‘Helepçed yo mazluma
Mazlumur wari ken Huma
Bi warur ben war Rabbi ma
‘Helepçe mar bi Kerbela
Yo buê sa umê zıncê ma
Ma nızuna ena duma
Qiri nali kot qıcun ma
‘Helepçe mar bi Kerbela
Ey mazlum biwar ‘Helepçe!
Çı ra gıno tur kelepçe
Çigêr ma bı parçe parçe
‘Helepçe mar bi Kerbela
Qic verardê dadid gun da
Babi, bı biçare, vênda
İnsunati ityad merda
‘Helepçe mar bi Kerbela
Ena sêni yo hewara
Bomba bi merg; ma ser vara
Ma di, bikesi çend zuara,
‘Helepçe mar bi Kerbela
Beden vêşa, zun ma bı lal
Tı war ma vêc Ya Zel-Celal
Dunya kota sêni yo ‘hal
‘Helepçe mar bi Kerbela
Punc ‘hınzar şehid yocad kot
Kimyasalun bedên ma pot
Pê bombun umê ma ser mot
‘Helepçe mar bi Kerbela
Yo deqqad ‘Helepçe rıcyê
Pê ‘hınzarun bi darbıcê
Hem ma bi muhacir vecyê
‘Helepçe mar bi Kerbela
Tı çad mênd Ey medeniyet!
Tu ra vecya en rezalet
Saddam tu ra guret quwet
‘Helepçe mar bi Kerbela
En Feqir ho nalen o vun
Hem bıberm, hem en şi’ir bun
Wa pıorê ‘alem pê bızun
‘Helepçe mar bi Kerbela
2-USTAZ BEDİUZZEMUN
Derdun en ‘esrir bıu dermun
Ustaz ma Bediuzzemun
Rar islumêd şıu en rayun
Ustaz ma Bediuzzemun
Ma şınawıt Ustaz ma wat
En ‘heyat zaf veng yo ‘heyat
Yı çoy ra nıwaşt maddiyat
Ustaz ma Bediuzzemun
‘Emir yı xizmetıd viyert
Maddiyat, xur nıkerd yo dert
Yı kerd qê Allêy zaf xizmet
Ustaz ma Bediuzzemun
Xizmet kerd qê ena de’wa
Cehalêt ‘esrir bı dewa
Me’hkemun yir akerd de’wa
Ustaz ma Bediuzzemun
Rar ustaz ma yo ce’do raşt
Xalisen rızê Alley wast
Yı hol yo cema’et vıraşt
Ustaz ma Bediuzzemun
Ya Rabbi ma şahidye yir
Yı ‘emir xu kerd weqıf tuir
Zaf xebtyab qê din islumir
Ustaz ma Bediuzzemun
Ya Rabbi ce yı cennetık
Yı cirun resul E’hmêdik
Se’id Nursi mar havalık
Ustaz ma Bediuzzemun
Dunya çoyir nımunena
Tı sêk aya tur munena
Wı ehl imunib, amenna
Ustaz ma Bediuzzemun
Ustaz sekerd qê Alley kerd
Heştê hirı sêr ‘emır kerd
Urfa’d otêlıd wefat kerd
Ustaz ma Bediuzzemun
En Feqir wênd Risalê Nur
Rar yı zaf bı rêşt pê en nur
Pê Risale kufır bı duir
Ustaz ma Bediuzzemun
3-İMUM XETİB
Yo nasi’het biger mı ra
Bıra, tarix mek xu vira
İmun pê ‘ilim ben hira
De’wê ma de’wê imunya
Ez neslê İmum Xetibya.
Wextêk ma ityad bi biwar
İmum Xetib’ıd bi hişar
En mekteb, bı sê ilac mar
De’wê ma, de’wê imunya
Ez neslê İmum Xetibya.
Zulım, welat mar kerd zindun
En mekteb mar bı sê mijdun
İtyad ma musê din-imun
De’wê ma de’wê imunya
Ez neslê İmum Xetibya.
Ay zalımun mezêl ma kend
Memleketıd imun nımend
Pirıkun ma axurıd wend
De’wê ma de’wê imunya
Ez neslê İmum Xetibya.
En mekteb mar yo de’waya
De’wê ma ercun nıa; vaya
Meters, vênd, vac ez çaraya
De’wê ma de’wê imunya
Ez neslê İmum Xetibya.
En Feqir hem nalen, hem vun
‘Hedis, fıqıh, tefsir, kuır’un
Pueşmun nıben kum enin bun
De’wê ma de’wê imunya
Ez neslê İmum Xetibya.
4-ERBAQUN
Erbaqun ra ma xızmet di
Ma, her wext yıd, cesaret di
Hem, ma yıd yo feraset di
Hemiz ma yıd se'adet di
Erbaqun de'wê xud raştıb
Qê ma yo rar hol vıraştıb
Ummet, Erbaqun ra 'hes kerd
Yı milletir zaf xızmet kerd
Zalımun yir 'heqaret kerd
Xayınun raz ixanet werd
Erbaqun de'wê xud raştıb
Qê ma yo rar hol vıraştıb
Milli Nizam’o Selamet
Hem Fazilet’o Se'adet
Pê Refa'h, xızmet di millet
İslumun ser ra eşt zillet
Erbaqun de'wê xud raştıb
Qê ma yo rar hol vıraştıb
Milli Görüş, yı vetıb mar
Adil Nizum yı vatıb mar
Bısılmunun dunyar bı war
Yı ra to têk nıdi zırar
Erbaqun de'wê xud raştıb
Qê ma yo rar hol vıraştıb
Bosna-Hersek, Araqun’ıd
Filistin Afğanistun’ıd
Kurdistun’o Turkistun’ıd
Semêd ma pıorin derdinıb
Erbaqun de'wê xud raştıb
Qê ma yo rar hol vıraştıb
Ena millet wı hol rasna
Siyonistun wı şınasna
Erbaqun gurfê yın vınsa
Hemiz yı zerrê yın masna
Erbaqun de'wê xud raştıb
Qê ma yo rar hol vıraştıb
Ma, Axretıd tur bên şahit
Tı de'wê xud tim bi sabit
Qısmêk wêxt tud bi mucahit
Qısmêk bacê bi mute'it
Erbaqun de'wê xud raştıb
Qê ma yo rar hol vıraştıb
Erbaqun, fabriqê vıraşt
Çim ma, pê sanayi kê aşt
Wı, feqirur bı sê yo paşt
Yı, tim rızê Humê xu waşt
Erbaqun de'wê xud raştıb
Qê ma yo rar hol vıraştıb
Mazlumun dunyar bı rehber
Qê memlekêt akerd yo ber
Yı xısmet kerd puncas şêşt ser
Pênid, wiz şı bin ena her
Erbaqun de'wê xud raştıb
Qê ma yo rar hol vıraştıb
Mı, ena qê Erbaqun nuşt
Feqir, yıd tim wırışt runışt
Daim pêr Erbaqun tepışt
'Heskerdiş yı, sêr qêlb xud pışt
Erbaqun de'wê xud raştıb
Qê ma yo rar hol vıraştıb
5-MUHAMMED MURSİ
Elweda Mursi, elweda
Ey şehid Mu’hemmed Mursi!
Tu qê ummet xu kerd feda
Ey şehid Mu’hemmed Mursi!
Tu şımıt şerbêt şehadet
Tu dıma bermena ummet
Tı şehidye, tı şi cennet
Ey şehid Mu’hemmed Mursi!
Tı Fir’unun ra nıtersê
’Heq-‘huquq mazlumun persê
De’wê xu Qur’un ra musê
Ey şehid Mu’hemmed Mursi!
Gunyê tu ruecêk zil duna
Pêniyê Fir’unun una
Saltanat yın kena huna
Ey şehid Mu’hemmed Mursi!
Tu vênda, va: Ez ha yena
Rayun karwun şehiduna
Rar şehid Hasan El- Benna
Ey şehid Mu’hemmed Mursi!
Şehid nı mırên, guniyê
Cennetıd cirun Nebi’yê
Tı umbaz Seyyid Qutub’yê
Ey şehid Mu’hemmed Mursi!
Adır kot Qahire vêşa
Mazlum qahrya, zalım bı şa
Sisi pıorê Mısir raşa
Ey şehid Mu’hemmed Mursi!
Ma tud di, sê şıêr cesaret
Tu Fir’un ra nı waşt medet
Sisi ceza vinen elbet
Ey şehid Mu’hemmed Mursi!
Fir’unun dunya xeneqna
Menderes’iz yın aleqna
Hiroşima’d atom teqna
Ey şehid Mu’hemmed Mursi!
Hem asi, hem qatil Sisi
Bı asi pê demoqrasi
Tı bi şeri’etir wasi
Ey şehid Mu’hemmed Mursi
Hawar, hawar, hawar, hawar
Ummet bıa perişun, biwar
Tı êr bi yo ‘Umer Muxtar
Ey şehid Mu’hemmed Mursi
Zazê pê qessem sund unên
Quwwêt xu Humê’ra gên, yên
İntiqum tu Sisi ra gên
Ey şehid Mu’hemmed Mursi
En Feqir ho derdun xu vun
‘Hal ummet Allê ra ‘eyun
Karwun şehidund yo rayun
Ey şehid Mu’hemmed Mursi
6-BAŞBAĞLAR
Heywax! Başbağlar, Başbağlar
Kot min şuma cınawır har
Şuma bi bikes o biwar
Ya Rabb! Tı ‘heq yın ‘erd meverd
Qiji nali kot min şuma
Zalımun vêşna ciğêr ma
Başbağlar dewa mazluma
Ya Rabb! Tı ‘heq yın ‘erd meverd
Teroristun sile’h gurêt
Umê, şuma cumi ra vêt
Şuma bi melekêt cennêt
Ya Rabb! Tı ‘heq yın ‘erd meverd
Yın, dew vêşna punç temuzıd
Hirıs hirı tên kê şehid
Elbet şehid he cennêtıd
Ya Rabb! Tı ‘heq yın ‘erd meverd
Vist şeş sêrryo ma hê bermên
Zalim tersên, ma ra ramên
Cezê xu Humê ra vinên
Ya Rabb! Tı ‘heq yın ‘erd meverd
Zalımur, ma le’net unên
Mazlumur, ma ra’hmet unên
Pê sabır, ma Nusret vinên
Ya Rabb! Tı ‘heq yın ‘erd meverd
En Feqir vun: ‘Heq terk mekên
Zalımun tim tel’in bıkên
Dua çinyeb, la ma sekên
Ya Rabb! Tı ‘heq yın ‘erd meverd
7-İMOM ‘HUSEYN
İmom ‘Huseyin qıyum kerd
Zalımunir mınnet nıkerd
Qıyum ‘Huseyn yinir bı derd
Ruaşnê çımun ummetê ma
‘Huseyn Kerbela’d bı şehid
‘Huseyin ume kerbela,
Ummetir bı sê yo çıla
Dunya ra nur yı bı vıla
Ruaşnê çımun ummetê ma
‘Huseyn Kerbela’d bı şehid
Mel’un fasıq rezil Yezid
Erşawıt yo zalım şedid
Tuêrn Peyğembêr ma kerd şehid
Ruaşnê çımun ummetê ma
‘Huseyn Kerbela’d bı şehid
Ciger parê ummetê ma
Bırê Zeyneb, Lac Fatıma
Yir hem ‘erd hem ‘ezmun berma
Ruaşnê çımun ummetê ma
‘Huseyn Kerbela’d bı şehid
Bibextun dorvêr yı guret
İnsunatê rıy ‘erdun ruet
Çengêk awiz yir kerd ‘hesret
Ruaşnê çımun ummetê ma
‘Huseyn Kerbela’d bı şehid
Huseyın Kerbela’d kışya
Guinyê ewlad ‘Eli rışya
Estunê kê ummet rıcya
Ruaşnê çımun ummetê ma
‘Huseyn Kerbela’d bı şehid
Hewar o hewar o hewar
Guinyê lac Şiêr Alley bi war
Ummet bi bikes o biwar
Ruaşnê çımun ummetê ma
‘Huseyn Kerbela’d bı şehid
Dês Muharrem; ruêc ‘aşura
Zulım bı sê adir vara
Ena bikesê zaf zuara
Ruaşnê çımun ummetê ma
‘Huseyn Kerbela’d bı şehid
Ummet Huseyn’ir bermena
Ehl-İ Beyt’ir du’a kena
Yezid’ir la’net unena
Ruaşnê çımun ummetê ma
‘Huseyn Kerbela’d bı şehid
Feqir ho nalen o nuısen
‘Eşq Huseyin qêlb xud rıesen
Bel’amunra ‘hesab persen
Ruaşnê çımun ummetê ma
‘Huseyn Kerbela’d bı şehid
8-ZEYNEB
Kênê ‘Hezret-i Fatıma
Ya Kerbela’d yo mazluma
‘Hesir kêrd war ‘Huseyn dıma
Zeyneb, kênê İmom ‘Eli
Ha Kerbela’d feryad kena
Hotay dı tên Ehl-i Beyt ra
Zulım bı merg, yın ser vara
Ummet qê ina biwara
Zeyneb, kênê İmom ‘Eli
Ha Kerbela’d feryad kena
Heywax! Bırê Zeyneb kışya
Kê ummetê ma raşiya
Gunyê tuêrn Peyğembêr rışya
Zeyneb, kênê İmom ‘Eli
Ha Kerbela’d feryad kena
Zeyneb Kerbela’d mend têna
Hem bermena, hem nalena
Dorvêr ‘Huseyn’id gêrena
Zeyneb, kênê İmom ‘Eli
Ha Kerbela’d feryad kena
Ma en zulım nıkên xu vir
Fasıqun Zeyneb kerd yesir
Hemiz çarna şehir şehir
Zeyneb, kênê İmom ‘Eli
Ha Kerbela’d feyad kena
Fatıma ra guıret ‘iffet
‘Huseyn ra guret cesaret
Sanki ‘Eli’b wêxt xitabêt
Zeyneb, kênê İmom ‘Eli
Ya Kerbela’d cihad kena
Zeyneb yetimur bi siper
Pıorê mazlumur bi rehber
Kê Yezid bı zıer o zeber
Zeyneb, kênê İmom ‘Eli
Ya Kerbela’d qıyom kena
Huseyin bı şehid heywax!..
Zeyneb erd ra guret bayrax
‘Erdıd nımend ena sancax
Zeyneb, kênê İmom ‘Eli
Ya Kerbela’d qıyum kena
Zeyneb kıştış ra nıtersê
En ‘hesab Yezid ra perse
Pêrs yê ra ay fasıq tersê
Zeyneb, kênê İmom ‘Eli
Ya Kerbela’d qıyom kena
Zeyneb va: Ey Yezid’w rezil
Ma ‘ezizyê, tı bêny zelil
Wary ma vecyenw Huma’w Celil
Zeyneb, kênê İmom ‘Eli
Bun Kerbela’d ya se kena
Feqir vunw: ce’dê xu raştık
En vatê mı hol xu gueşık
De’wê Ehl-i Beyt xu paştık
Zeyneb, kênê İmom ‘Eli
Ya Kerbela’d qıyom kena
9-SEYDA EHMEDİ XASİ
Ez ha behs yo ‘alim kena
Numê yı Ehmedi Xasi
En şiir qê yı nusena
Seydo pil Ehmedi Xasi
‘Hınzar o hêştsê şêşt şeşıd.
Wı ume dunya Hezun’ıd,
‘Hınzar newsê puncas yowıd,
Wefat kerd Ehmedi Xasi.
Wı feqiko hol fumberıb
Medresê Mesudiye'dıb
Hemê duyes ‘ilmun wendıb
Muderris Ehmedi Xasi
Yı mil xu çot nıkerd çoyir
Hemiz İttihat Teraqqir
Zulim yın ver bı muhacir
Mucahid Ehmedi Xasi
Seyda ‘heqq ra get nıviyert
Zun zazaki xuir kerdıb dert
Mewlid ma pê zazaki deşt
Şair pil Ehmedi Xasi
Wı ‘heftêk medresad runışt
Mewlıd Nebi zazaki nuışt
Pêr zun kalıkun xu tepışt
Ustaz pil Ehmedi Xasi
Ya Rabb! En zun mar re’hetık
Cê Seydê Xasi cennetık
Hem cirun peyğemberunık
‘Alim pil Ehmedi Xasi
Ya Rabb! Ma ‘heqqıd daimık
Qumperest nıe, qumperwerık
Min zazund şairun zafık
Pê himmet Ehmedi Xasi
En Feqir ho vênden daim
Rar huma’y ser bımun qaim
Zunayun dım şuı timyo tim
Zunayê ma Ehmed Xasi
10-Ey Eqsa, ey Filistin
Namus ummet, şerêf din
Ey Eqsa, ey Filistin
Mümin semêd tu derdin
Ey Eqsa, ey Filistin
Siyonistur hin besa
Tari şı, şefeq êsa
Ma hê yeni ey Eqsa
Ey Eqsa, ey Filistin
Allah vac, ma yên yoca
Vazdên, yêni ca ra ca
Qey fetih tu yên uca
Ey Eqsa, ey Filistin
Fetıh bı nızdi hini
Selahaddin hê yêni
Filistin xelısnêni
Ey Eqsa, ey Filistin
Qudıs, Qudıs, de’wê ma
Fetıh tu ben vêwê ma
Ma yên, vındır bawê ma
Ey Eqsa, ey Filistin
Ğazzed kot ta yo çıla
En şoq mar bı sê xela
Siyonist vinen bela
Ey Eqsa, ey Filistin
Feqir vunu: ey merdim
Êr ummet biya yetim
İna nışın timyo tim
Ey Eqsa, ey Filistin
Tı yena, hem bereket xu zi una
Merheba, merheba aşmê Remezon
Umyayiş tu muminu ri mijduna
Merheba, merheba aşmê Remezon
Ena aşmê tilaweti Qur’unya
Ena aşmı mu’minu ri hiviya
Ena aşmıd quçê şeytunun rıcya
Merheba, merheba aşmê Remezon
Remezunıd bêr rehmeti abêni
Remezunıd Şeytun tersen, ramêni
Remezunıd du’ê ma qebul bêni
Merheba, merheba aşmê Remezon
Mu’min wırzên paşifıd rocı gêni
Piorê Qur’un yo aşmıd xıtım kêni
Aşmê rocid zaf zaf sedeqe duni
Merheba, merheba aşmê Remezon
Verniyê tu mu’minur benu rehmet
Min wertê tu ma ri benu meğfiret
Tobê ma pênıd qebul benu elbet
Merheba, merheba aşmê Remezon
Muezzin vêndên, vun Allahu Ekber
Mumin vuni: lebbeyk, muhemmed rehber
Ma rucê xu akeni, wêni pêwer
Merheba, merheba aşmê Remezon
Feqir zengin yo safı dı vındêni
Terawihıd Allê xur secde bêni
Şew o ruec nefis xu terbiye kêni
Merheba, merheba aşmê Remezon
12-Aşmê Rocid Rehmet Varen
Remezun aşmê Qur’unya
Ena aşmê berekêtya
Bêr rehmêtid yo hiviya
Aşmê rocid rehmet varen
Mumin roced beni hişar
Tewbe keni hesrun kên war
Vun: Ya Rebbi! Keni hewar
Aşmê rocid rehmet varen
Ma pê roce keni sebır
Ma pê roce keni zıkır
Ma pê roce keni şıkır
Aşmê rocid rehmet varen
Ma roce dı destu akên
Terawihıd cumi dekên
Fıtarê dı sofre rakên
Aşmê rocid rehmet varen
Dunya fani, haya huya
Merg nizdiw, ‘emır qediya
Remezunıd ma bên aya
Aşmê rocid rehmet varen
Zengin, feqir roce geni
Yên yoca fıtari keni
Pê sedeqe xu paweni
Aşmê rocid rehmet varen
Mu’min roced roce geni
Bêr şeytuni qefılnêni
Zun xu herum ra paweni
Aşmê rocid rehmet varen
Hiç yorum yok:
Yorum Gönder